Mentanargrunnurin hevur fingið nýggjan umsóknarportal.

Hevur tú trupulleikar við skipanini, set teg í samband við skrivstovuna. Vit taka eisini fegin ímóti fráboðan, um onkur tekstur/boð ikki eru at skilja,

Starvslønir til listaligt og mentanarligt arbeiði í 2025

Mentanargrunnur Landsins kann lata umsøkjarum starvslønir við støði í listaligum og fakligum metingum av verkevni ella verkætlan.

Endamál grunsins er at styðja starv fyri føroyskum máli, bókmentum, list, vísindum og øðrum mentamálum bæði hjá leikum og lærdum. Grunnurin skal serliga stuðla tiltøkum og verkætlanum, sum kveikja og menna føroyska myndlist, tónlist, bókmentir, sjónleik og aðra list, sum kann javnmetast við hesar listagreinir.

Starvslønirnar kunnu vera latnar soleiðis: 1 starvsløn galdandi í 3 ár, 2 starvslønir galdandi  í 12 mánaðir og starvslønir galdandi í 1-6 mánaðir.

Upphæddin á starvslønini svarar til læraralønina á fólkaskúlans lønarstigi 21, stigi 1, sum er kr. 33.548,30 um mánaðin.

Íverksetanarstudningur til listafólk í 2025

Mentanargrunnur Landsins kann lata listafólkum íverksetanarstudning við støði í listaligum og fakligum metingum.

Íverksetanarstudningur skal lætta um hjá evnaríkum listafólkum, serliga ungum, at koma víðari við teirra skapandi listaarbeiði. Studningurin kann nýtast til tilfar, leigu av atelieri, námsferðir o.l.

Íverksetanarstudningurin er kr. 75.000 árliga og kann í mesta lagi latast sama persóni í 2 ár.

Komandi umsóknarfreistir

• til Starvsløn og Íverksetanarstuðul fyri 2025 er sunnudagin 15. desember 2024. Latið verður upp fyri umsóknum 18. november
• til listafólkaløn fyri 2025 er 1. apríl 2025
• til studning fyri 2025 (kemur)