Komandi umsóknarfreistir

Listafólkaløn 2023

Nevndin í Mentanargrunninum hevur á fundi tann 8. juni 2023 avgjørt at veita listafólkaløn fyri 2023 til Marjuna Syderbø Kjelnæs, Hanna Julius Bjartalíð og Dánjal D. á Neystabø.

Les meira her

Starvsløn og íverksetanarstudningur 2023

Grunnurin fekk 133 umsóknir um starvsløn og 19 umsóknir um íverksetanarstudning, har søkt var um stuðul fyri knappar 19 mio. Kr. Latnar vóru tilsamans góðar 3,4 mio kr. til starvslønir og íverksetanarstuðul.

Í hesum umfari fingu 25 umsøkjarar starvsløn, meðan fýra fingu íverksetanarstuðul. Veittar vóru tilsamans 100 mánaðarlønir í starvslønum

Nevndin hevur á fundi tann 30.mars 2023 avgjørt at veita stuðul til hesar umsøkjarar:

Gudmund Helmsdal (filmliste) fekk starvsløn í 1 ár. Dánjal Dam á Neystabø (tónlist), Marjun Syderbø Kjelnæs (bókmentir) og Mattias Kapnas (tónlist) fingu 6 mánaðir hvør í starvsløn.

Umframt hesi, so fingu 7 umsøkjarar starvsløn í 4 mánaðir og 14 fingu starvsløn í 3 mánaðir.

Heðin Ziska Davidsen, Eyði Højsted, Mariann Hansen og Jákup Veyhe fingu hvør sínar 75.000 kr. í íverksetanarstuðuli.

Sí øll, ið fingu starvsløn her 

Listafólkaløn 2022

Nevndin hevur á fundi tann 20. mei 2022 avgjørt at veita listafólkaløn fyri 2022 til Katrina Ottarsdottir, Anker Mortensen og Jóhannu Mariu Tórgard

Les meira her

Mentanargrunnur Landsins veitt stuðul til starvsløn og íverksetan

Nevndin hevur á fundi tann 28. januar 2022 avgjørt at veita starvsløn og íverksetanarstuðul til hesar umsøkjarar:

Hesi fingu stärvsløn:

Kinna Poulsen (bókmentir og myndlist) fekk starvsløn í 1 ár

Kim Simonsen fekk starvsløn í 6 mánaðir.

Harumframt fingu fimm umsøkjarar 4 mánaðir, tíggju fingu 3 mánaðir, átjan fingu 2 mánaðir, og tríggir fingu 1 mánað.

Les meira her

Hesi fingu íverksetanarstuðul:

Fríði Djurhuus (tónlist), Per Ingvaldur Højgaard Petersen (tónlist), Jenný Kragesteen (pallist) og Jan Rúni Poulsen (tónlist).

Send umsóknina inn í góðari tíð. Tað er umráðandi at tíðarfreistin verður hildin tvs. kl. 23.59 ásetta dag. Oftani er stórt trýst á skipanini í evstu løtu, tí fleiri senda samstundis. Skilagott er at lesa talgilda oyðublaðið, og skriva innihaldið á einum skjali fyri seg, ið síðani verður flutt inn í talgilda umsóknarblaðið. Tað er ein treyt fyri viðgerð, at umsóknin verður latin inn á talgilda umsóknarblaðnum. Tú fært eina váttan um, at umsóknin er móttikin. Um tú ikki fært eina váttan, set teg so í samband við skrivstovuna.

Um tekniskir trupulleikar stinga seg upp, er altíð eitt kopi tøkt á egnari teldu. Hav alt tilfarið klárt, áðrenn tú skrivar inn á umsóknarblaðið, eisini fylgiskjølini.

Legg til merkis, at tú hevur sjálv/ur ábygd av at umsóknin er rætt útfylt, og at allar neyðugar upplýsingar eru tøkar hjá nevndini at taka endaliga støðu til tína umsókn.

GG! Umsóknir, ið eru latnar inn eftir at freistin er úti, verða ikki viðgjørdar.

Les meira her Stuðul

Vegleiðing til íverksetanarstuðul

Vegleiðing til starvslønarumsóknir